Nüvə Agentliyi qeyd edir ki, İran silah istehsalı üçün yararlı olan uran ehtiyatını genişləndirməkdə davam edir...
İran beynəlxalq tələblərin əksinə olaraq, demək olar ki, silah səviyyəsinə qədər zənginləşdirilmiş uran ehtiyatlarını növbəti dəfə artırıb.
Poliqon xəbər verir ki, bu barədə cümə axşamı Beynəlxalq Atom Enerjisi Agentliyinin (MAQATE) məxfi hesabatına istinadən Associated Press Agentliyi məlumat yayıb.
Mütəxəssislər İranda 164,7 kiloqram 60% zənginləşdirilmiş uran olduğunu bildirirlər. Bu, MAQATE-nin may ayında ilkin hesabatından bəri 22,6 kiloqram artım deməkdir.
Qeyd edilir ki, İranın ümumi zənginləşdirilmiş uran ehtiyatı 5751,8 kq təşkil edir.
“60% saflığa qədər zənginləşdirilmiş uran, 90% silah səviyyəsindən yalnız qısa bir texniki addımdır, MAQATE-nin fikrincə, 60% zənginləşdirilmiş 42 kiloqram uran nəzəri olaraq bir atom bombası yaratmağa imkan verəcək”, deyə ekspertlər qeyd edirlər.
“İranın atom bombası yaratmaq üçün kifayət qədər zənginləşdirilmiş urana sahib olmasına "aylar yox, həftələr" qalıb”. Bunu isə Beynəlxalq Atom Enerjisi Agentliyinin (MAQATE) baş direktoru Rafael Qrossi deyib.
Poliqon.info
Digərxəbərlər
Populyar xəbərlər
