Qətər İsrail və HƏMAS-a yeni atəşkəs razılaşmasını təqdim edib

Poliqon xəbər verir ki, bu barədə Bloomberg Agentliyi danışıqlarla tanış olan insanlara istinadən məlumat yayıb.

Mənbələrin sözlərinə görə, plan Qəzza zolağında saxlanılan bütün girovların azad edilməsini nəzərdə tutur və İsrail də öz növbəsində bəzi fələstinli məhbusları azad etməli olacaq. Müqavilədə anklava humanitar yardımdan da bəhs edilir. Humanitar yardımın həcmi artmalıdır.

Agentlik qeyd edir ki, atəşkəsin əldə edilməsinə İsrailin Qəzzada HƏMAS tamamilə məhv edilənə qədər əməliyyatı davam etdirməsi ilə bağlı bəyanatları mane olur.

Qeyd edək ki, bundan əvvəl əmirliyin Xarici İşlər Nazirliyinin rəsmi nümayəndəsi Məcid bin Məhəmməd əl-Ənsari Qətər hakimiyyətinin Qəzza zolağında böhranın həlli üçün vasitəçilik səylərini davam etdirdiyini bildirmişdi.

Poliqon.info