Pekin koronavirus haqqında əsas məlumatları gizlədib...

Poliqon xəbər verir ki, bu barədə The Wall Street Journal qəzeti yazıb.

ABŞ Səhiyyə Nazirliyinin Nümayəndələr Palatasının komitəsi tərəfindən əldə etdiyi sənədlərdən belə çıxır ki, dekabrın 28-də Pekindən olan çinli tədqiqatçı Lili Ren virusun strukturunun demək olar ki, tam ardıcıllığını ABŞ hökumətinin məlumat bazasına yükləyib. O dövrdə Çin rəsmiləri hələ də açıq şəkildə Vuhan epidemiyasını "naməlum mənşəli" viral pnevmoniya kimi təsvir edirdilər və COVİD-19 ilk yayılmalarından birinin yeri olan Vuhanda dəniz məhsulları bazarını hələ bağlamamışdılar.

WSJ qeyd edir ki, ÜST-ün xəbərdarlığında iki həftəlik boşluq Pekinin koronavirus haqqında əsas məlumatları gizlətdiyi iddialarını dəstəkləmək üçün ortaya çəxəb.

Çin Xəstəliklərə Nəzarət və Qarşısının Alınması Mərkəzi 10 Yanvar 2020-ci ildə Renin təqdim etdiyi ardıcıllıqla demək olar ki, eyn" ardıcıllığı dərc edib.

Kent Universitetinin tədqiqatçıları əvvəllər belə nəticəyə gəliblər ki, Çində ilk koronavirus infeksiyası hadisəsi 2019-cu ilin oktyabr ayının əvvəli və noyabr ayının ortaları arasında, ilk rəsmi “Covid” xəstəsinin Vuhanda bildirilməsindən həftələr əvvəl baş verib.

Alimlər ilk yoluxmanın ən çox ehtimal olunan tarixini 17 noyabr 2019-cu il adlandırıblar. Çində ilk rəsmi COVID-19 hadisəsi 2019-cu ilin dekabrında bildirildi və dəniz məhsulları bazarı ilə əlaqələndirildi. Bununla belə, bundan əvvəl baş verən halların bazarla əlaqəsi yoxdur, britaniyalı alimlər hesab edirlər.

ÜST-Çin birgə araşdırması koronavirusun yarasalardan insanlara başqa bir heyvan vasitəsilə ötürülməsini ən çox ehtimal olunan ssenari adlandırır. Elm adamları virusun yarasalardan insanlara birbaşa ötürülməsini daha az ehtimal olunan bir seçim hesab ediblər. Alimlər həmçinin virusun laboratoriyadan sızmasının “çox az ehtimal” olduğu qənaətinə gəliblər.

Poliqon.info