Güney Azərbaycanda məktəbli qızların kütləvi zəhərlənməsi davam edir

Bu barədə “Azad İran” “Telegram” kanalı xəbər verib.

Bildirilir ki, Zəngan şəhərində Kövsər qızlar məktəbində kütləvi zəhərlənmə baş verib, şagirdlər xəstəxanaya aparılıblar.

Məlumata görə, zəhərlənmədən sonra, şagirdlərdən 36-sı Musəvi, 29-u Vəli-Əsr, biri Beheşti, bir şagird isə İmam Hüseyn adına Zəngan xəstəxanalarına göndərilib. Şagirdlərdən 62-si müayinə və ilkin tibbi müalicədən sonra evə buraxılıb, qalan beş nəfər isə hələlik xəstəxanadadır.

Xatırladaq ki, İranda bu, məktəblilər arasında ilk belə hadisəsi deyil. Bundan əvvəl Urmiyada, Qumda, Burucerddə, Tehranda və s. şəhərlərdə məktəbli qızların kütləvi zəhərlənməsi qeydə alınıb.

Poliqon.info