Argentina hökuməti dövlət sektorunda çalışan işçilərin sayını daha 50 min azaldacaq...
Poliqon xəbər verir ki, bunu ölkə prezidenti Xavyer Miley bəyan edib.
“Dövlətin bütün strukturu yarıya endirilib. Bu iş yerləri lazımsız idi və dövlətə çox baha başa gəlirdi. Ona görə də, təbii ki, biz insanları işdən çıxardıq. Ümumilikdə biz 75 min insanı ixtisar edəcəyik, 25 min nəfər artıq ixtisar edilib”, deyə Miley Latın Amerikası İqtisadi Forumunda çıxışı zamanı deyib.
Miley etiraf edib ki, onun islahatları həssas təbəqəni və orta təbəqəni vurmaqdadır.
“Biz bilirdik ki, proqramımız sosial gərginliyə səbəb olacaq və iqtisadi aktivliyin azalmasına gətirib çıxaracaq”, deyə Argentina prezidenti vurğulayıb.
Eyni zamanda, Miley əmin olduğunu bildirib ki, görülən dəstək tədbirləri vətəndaşların narazılığının qarşısını almağa kömək edib.
Poliqon.info
Digərxəbərlər
Populyar xəbərlər
