ABŞ Senatının Kəşfiyyat Komitəsi Qəzza zolağında “Əl-Əhli” xəstəxanasına edilən hücumla bağlı kəşfiyyat məlumatları araşdırıb və bunun İsrail ordusu tərəfindən deyil, silahlılar tərəfindən həyata keçirildiyini müəyyən edib...
Poliqon xəbər verir ki, bu barədə The New York Times qəzeti məlumat yayıb. Nəşr qeyd edir ki, bu barədə komitə sədrinin müavini Marko Rubionun saytında dərc edilmiş bəyanatda deyilir.
Senatorun sözlərinə görə, partlayış İsrailin hava hücumu nəticəsində deyil, terrorçu silahlıların uğursuz raket buraxılışının nəticəsi olub.
Qeyd edək ki, oktyabrın 17-də Qəzza zolağında baptist xəstəxanası raketlə vurulub. Anklavın Səhiyyə Nazirliyinin məlumatına görə, qurbanların əksəriyyəti qadınlar və uşaqlardır, ümumilikdə 800-dən çox insan olub.
Fələstin rəsmiləri hava hücumunda İsraili günahlandırıb. İsrail tərəfi insidentdə Fələstin “İslami Cihad” təşkilatını günahlandırıb.
BMT-nin Baş katibi Antonio Quterres zərbəni beynəlxalq hüquqa zidd olaraq pisləyib.
Poliqon.info