Fransa Azərbaycanın ərazi bütövlüyünü tanımaq istəmir və bölgəyə müharibə gətirir...

Politoloq: “Fransa məqsədli şəkildə vəziyyətin gərginləşməsinə gedir. Əsas məsələ ondadır ki, bu gərginlik Fransaya lazımdır”.

“Azərbaycan bu dövrdən sonra kimlərəsə onun ərazisi üzərində oyun oynamağa imkan verməyəcək. Azərbaycan özü oyun quran ölkədir”.

Bu sözləri politoloq Azər Qasımov Fransanın Ermənistana daha bir neçə yük maşını ilə humanitar yardım göndərməsini Poliqon-a şərh edərkən qeyd edib.

Xəbər verdiyimiz kimi Fransa Ermənistana daha bir neçə yük maşını ilə humanitar yardım göndərəcək. Həmin yükləri gətirən avtomobillər də əvvəlki qaydada Laçın sərhəd-buraxılış məntəqəsindəki TIR-ların yanında gözləmə mövqeyi tutacaqlar. Fransanın müxtəlif şəhərlərindən göndərilən “humanitar yüklər” avqustun 30-da Qarabağa yola salınacaq. Belə çıxır ki, Azərbaycanla razılaşdırılmadan ərazimizə yük karvanı göndərən Fransa Azərbaycanın ərazi bütövlüyünü tanımaq istəmir və düşmən ölkəni də “humanitar fəlakət” şousuna cəlb edən onlardır.

Fransa bu pozucu və təxribat xarakterli addımları sonucda Cənubi Qafqaza necə təsir edə bilər və bu yolla Fransa bölgədə hər hansı mövqe qazana bilərmi?

Fransanın Cənubi Qafqazla bağlı məqsədini Poliqon-un əməkdaşı politoloq Azər Qasımov ilə müzakirə edib.

Azər Qasımov: “Fransa öz geosiyasi maraqları naminə Ermənistanı istifadə edir”.

Fransanın “humanitar yük” oyununun erməni soyqırımı iddialarının davamı olduğunu düşünən politoloq əlavə edib ki, “Humanitar fəlakət” oyununun sonu “soyqırım” oyununa çevriləcək:

“Fransa məqsədli şəkildə vəziyyətin gərginləşməsinə gedir. Əsas məsələ ondadır ki, bu gərginlik Fransaya lazımdır. Ermənistan öz seçimini edib. Azərbaycanın ərazi bütövlüyünü Paşinyanın dilindən bildirib və reallıqlarla barışıb. Fransa öz geosiyasi maraqları naminə Ermənistanı istifadə edir. Ermənistanın isə buna etiraz etmək səlahiyyəti yoxdur. Erməni toplumu tarixən beynəlxalq güclərin əlində maşa olub, indi də belədir. Ermənistan da yaxşı başa düşür ki, həmin güclərin dəstəyi olmasa, bu regionda erməni toplumunun mövcudluğu mümkün deyil.

Fransa “humanitar yük” oyunu erməni soyqırımı iddialarının davamıdır. “Humanitar fəlakət” oyununun sonu “soyqırım” oyununa çevriləcək. Bunların bu barədə təcrübələri çoxdur.

Təbii ki, bunlar oyun olaraq qalacaq. Artıq oyun oynamaq dövrü sona çatıb. Proseslərin son dövrüdür. Bu da onların son çabalarıdır. Azərbaycan bu dövrdən sonra kimlərəsə onun ərazisi üzərində oyun oynamağa imkan verməyəcək. Azərbaycan özü oyun quran ölkədir”.

Nərminə UMUDLU
Poliqon.info