ABŞ Federal Təhqiqat Bürosu (FTB) prezident Co Baydeni və digər hökumət rəsmilərini təhdid edən Yuta ştatından olan şəxsin axtarış zamanı güllələnərək öldürüldüyünü bildirib...
Polqion xəbər verir ki, bu barədə Amerikanın KSL kanalı və Associated Press Agentliyinin məlumatında bildirilib. Məlunmata görə, Kreyq Robertson adlı şəxsin 75 yaşı var..
“Avqustun 9-u çərşənbə günü səhər saat 6:15 radələrində FTB agentləri həbsi üçün order verilən Robertsonu həbs etmək üçün onun evinə gediblər. Axtarışlar zamanı Robertson güllələnib”, deyə FTB-dən KSLkanalına bildiriblər. AP mənbələrinin məlumatına görə, həmin şəxs silahlı olub.
AP qeyd edir ki, avqustun 9-da ABŞ prezidenti Solt-Leyk Sitidə yerləşən və müharibə veteranlarının müalicə olunduğu xəstəxanaya baş çəkmək üçün Utah ştatına uçub. Co Baydenin səfəri ictimaiyyətə açıqlandıqdan sonra Kreyq Robertson sosial mediada “snayper tüfənginin tozunu almağa başladığını” yazıb.
Agentliyin məlumatına görə, Robertson sosial şəbəkələrində tez-tez ABŞ-ın keçmiş prezidenti Donald Trampı dəstəklədiyini bildirib. O, özünü “MAGA Trumper” adlandırıb.
Poliqon.info