Aİ Nigerlə bütün sahələrdə əməkdaşlığı dayandırır...

Poliqon xəbər verir ki, bunu Avropa İttifaqı diplomatiyasının başçısıJosep Borrellin mətbuat katibi Peter Stano bildirib.

"Biz bu mərhələdə Nigerlə hər hansı əməkdaşlığı dərhal dayandırdıq. Aydın olmaq üçün deyim ki, buraya miqrasiya axını ilə bağlı əməkdaşlıq da daxildir. Bəli, indi bütün fəaliyyətlər dayandırılıb: maliyyə dəstəyi, mülki missiyalar, təhlükəsizlik məsələlərində əməkdaşlıq", Stano çərşənbə axşamı Brüsseldə keçirdiyi brifinqdə bildirib.

Onun sözlərinə görə, Avropa İttifaqı vəziyyəti diqqətlə izləyir.

"Biz ECOWAS-ın bütün hərəkətlərini və qərarlarını qətiyyətlə dəstəkləyirik. Lakin vəziyyət inkişaf edir. Bizim üçün başlanğıc nöqtəsi odur ki, biz hərbi çevrilişi tanımırıq, hakimiyyəti qanunsuz olaraq ələ keçirənləri tanımırıq və buna uyğun hərəkət edəcəyik. Niger üçün indiyə qədər mövcud olan bütün proqramlar və bütün əməkdaşlığa gəldikdə", deyə Stano əlavə edib.

Poliqon.info