Son 10 ildə Afrikada silahlı təşkilatların sayı sürətlə artıb

Poliqon xəbər verir ki, bu barədə ABŞ-da yerləşən Afrika Strateji Araşdırmalar Mərkəzinin dərc etdiyi hesabatda qeyd edilir.

“Afrikalı hərbi-islamçı qrupa bağlı ölümlər bütün zamanlarda” başlıqlı hesabatda son 10 ildə Afrikada silahlı təşkilatların sayının artdığı bildirilib. Qeyd edilib ki, 2014-cü ildə Saharaaltı Afrikada - Nigeriya, Mali və Somali kimi ölkələrdə mövcud olan silahlı təşkilatlar 2023-cü ildə Mozambik, Keniya, Kamerun, Burkina Faso, Mavritaniya və Benin kimi ölkələrə yayılıb.

Hesabatda silahlı təşkilatların qurbanı olan ölənlərin 80 faizinin Sahel bölgəsi və Somalidə olub. Sahel bölgəsindəki hücumların isə 87 faizi Burkina Faso və Malidə qeydə alınıb.

Qitənin müxtəlif yerlərində silahlı qrupların törətdiyi qətllərin tarixdə ən yüksək səviyyədə olduğuna diqqət çəkən hesabatda hərbi çevrilişlərin şiddətlə artdığı qeyd edilib.

Hesabatda, ötən il Somalidə "Əl-Şəbab" terror təşkilatının səbəb olduğu ölümlərin 157 faiz artdığı, Çad Gölü hövzəsində isə əsas ölüm səbəblərinin "Boko Haram" və Qərbi Afrika İslam Dövləti (ISWA) olduğu açıqlanıb.

Şimali Afrika ölkələrində silahlı təşkilatların sayının azaldığı vurğulanan hesabatda 2017-ci ildən bəri "Ənsar'us Sünnə" təşkilatının Mozambikdə həyata keçirdiyi hücumlarda yüzlərlə insanın həyatını itirdiyi qeyd edilib.

Afrika ölkələrində bərbad idarəçilik və siyasi qeyri-sabitlik, etnik münaqişələr, hərbi çevrilişlər və qitədən kənar ölkələrin hakimiyyət mübarizəsi silahlı təşkilatların təsir dairəsini genişləndirir.

Poliqon.info