Azərbaycanda dəmir yolu nəqliyyatı ilə yük daşımaları artıb

Poliqon.info Trend-ə istinadən bildirir ki, bu barədə Dövlət Statistika Komitəsi məlumt verib.

Məlumata görə, hesabat dövründə dəmir yolu nəqliyyatı ilə yük daşımaları 2022-ci ilin yanvar-may ayları ilə müqayisədə 8,8 faiz, sərnişin daşımaları isə 57,2 faiz, yəni 2,704 milyon nəfərədək artıb.

Qeyd olunan dövrdə dəmir yolu nəqliyyatının payına bütün yük daşımalarının 8,3 faizi düşüb.

Orta hesabla sutka ərzində yüklənən dəmir yolu vaqonlarının sayı 430, boşaldılan vaqonların sayı isə 416 olub.

2023-cü ilin yanvar-may aylarında Azərbaycanda bütün nəqliyyat növləri ilə yük daşımaları 90,9 milyon ton olub ki, bu da 2022-ci ilin analoji dövrü ilə müqayisədə 6,8 faiz yüksəkdir. Hesabat dövründə Azərbaycanda sərnişin daşımaları 742,8 milyon nəfəri ötüb ki, bu da 2022-ci ilin analoji dövrünün göstəricisindən 19 faiz yüksəkdir.

Poliqon.info