Ağ Ev hələlik Ukraynanın əks-hücumunun uğurunu şərh etməyəcək. Vaşinqtonda hesab edirlər ki, bu, Kiyevin işidir...
Poliqon xəbər verir ki, bu barədə ABŞ Milli Təhlükəsizlik Şurasının strateji kommunikasiyalar üzrə koordinatoru Con Kirbi deyib.
"Biz bu hücuma oxşar qiymət verməkdən çəkinəcəyik. Mən buna sadiq qalacağam. Baxın, hücum hərəkətləri, döyüş gedir. Bu, heç bir sual doğurmur. Amma bunu biz yox, prezident Zelenski xarakterizə etməlidir. Və əlbəttə ki, Ukrayna Silahlı Qüvvələri bir gün ərzində itkilər və qazanclar barədə danışmalıdır”, deyə Kirbi bildirib.
O qeyd edib ki, Ukrayna öz əməliyyatlarının təfərrüatlarını ABŞ-a açıqlamır.
"Onların bizə hər hansı məlumat vermək və ya əməliyyatları barədə bizi məlumatlandırmaq öhdəliyi yox idi. Son 15 ay ərzində onların belə bir öhdəliyi olmayıb", deyə Kirbi əlavə edib.
Eyni zamanda, Ağ Evin nümayəndəsi ABŞ-ın Ukraynanın döyüş meydanında uğur qazanması üçün lazımi dəstəyin veriləcəyini vurğulayıb:
"Siz həftənin sonunda elan edilmiş USAI proqramı vasitəsilə gələn yardım paketini gördünüz. Düşünürəm ki, çox yaxında siz bəzi əlavə paketlər görəcəksiniz... Biz Ukraynaya bu mübarizədə ehtiyac duyduğu hər şeyi verməyə davam edirik".
Poliqon.info