Rusiya Xarici Kəşfiyyat Xidmətinin rəhbəri Narışkin: Ukrayna Silahlı Qüvvələrinin Baş Komandanı Zalujnının yaralanması ilə bağlı məlumat var, lakin onun etibarlılığına dair heç bir təsdiq yoxdur...
Poliqon xəbər verir ki, Rusiya Xarici Kəşfiyyat Xidmətinin (SVR) rəhbəri Sergey Narışkin Ukrayna Silahlı Qüvvələrinin Baş Komandanı Valeri Zalujnının yaralanması ilə bağlı məlumat aldığını bildirib. Lakin Narışkin onu da qeyd edib ki, Rusiya Xarici Kəşfiyyat Xidməti bu məlumatların doğruluğuna təminat vermir.
Qeyd edək ki, RİA Novosti Agentliyi mənbəyə istinadən xəbər vermişdi ki, Zalujnı Rusiyanın Xersona endirdiyi zərbə zamanı kəllə-beyin travması və çoxsaylı qəlpə yaraları alıb.
“Əlbəttə, biz Zalujnının yaralanmasıi ilə bağlı] məlumat almışıq. Amma bu məlumatın 100% doğru olduğuna zəmanət verə bilmərəm. Buna görə də, çətin ki, sizin hazırda bildiklərinizdən kənar bir şey barədə məlumat verə bilməyəcəm”, deyə Narışkin bildirib. Onun sözlərinə görə, Valeri Zalujnının mümkün yaralanması çox da diqqət yetirilməli bir mövzu deyil.
RİA Novosti-nin məlumatına görə, Ukrayna Silahlı Qüvvələrinin Baş Komandanı Rusiya hərbçilərinin Xerson vilayətinin Posad-Pokrovskoye kəndi yaxınlığındakı komanda məntəqəsinə endirdiyi raket zərbəsi nəticəsində yaralanıb. Agentliyin mənbəsi iddia edib ki, əvvəlcə Zalujnı Nikolayevə aparılıb və orada ona qanaxmanın dayandırılması üçün ilkin tibbi yardım göstərilib.
Ukrayna tərəfi Valeri Zalujnının yaralanması ilə bağlı hər hansı məlumatı təkzib edib. Ukrayna Milli Təhlükəsizlik və Müdafiə Şurasının rəhbəri Aleksiy Danilovun sözlərinə görə, bu gün, mayın 25-də Valeri Zalujnı Baş Komandanlığın qərargahının iclasında şəxsən məruzə ilə çıxış edib.
Poliqon.info