Moskvanın Avropada bitən hökmranlığı - Rusiya artıq Qərb mərkəzli güc deyil...

Poliqon xəbər verir ki, bu barədə Wilson Center Analitik Mərkəzinin hesabatında deyilir.

Wilson Center analitiklərinin fikrincə, Rusiya NATO-dan öz sərhədlərini “Soyuq Müharibə” zamanındakı səviyyəyə qaytarmağı və Ukraynanın NATOA-ya heç vaxt üzv olmamasını tələb edib. Bu tələblərin hər ikisi rədd edilib və bu Rusiyanın Qərblə hər hansı substantiv dialoqa girmək istəmədiyinə aydın işarə olub.

Rusiyanın təcavüzü nəticəsində Moskva Avropa Şurası, İƏİT və Milli İnsan Hüquqları Təşkilatlarının Avropa Şəbəkəsi də daxil olmaqla bir sıra Avropa qurumlarından kənarlaşdırılıb və ya Moskva özü bu təşkilatları tərk edib. Rusiyanın İƏİT-ə üzv olmaq istəyi dayandırılıb və Avropaya qaz ixracı 1970-ci illərdə Brejnev dövründəki səviyyədən aşağı düşüb.

Wilson Center analitikləri qeyd edirlər ki, Avropa Rusiyanı Ukraynada törədilən təcavüz aktlarına və hərbi cinayətlərə görə məsuliyyətə cəlb etmək hərəkatına rəhbərlik edir və Rusiyaya qarşı beynəlxalq tribunal yaratmaq təşəbbüsü ilə çıxış edir.

Qeyd edilir ki, Rusiyanın BMT Təhlükəsizlik Şurasında veto qoymaq hüququnun olması səbəbindən Rusiya bu təşkilatdan kənarlaşdırıla bilmir və eyni zamanda BMT Təhlükəsizlik Şurasında Rusiyaya qarşı qəararlar qəbul etmək mümkün deyil. Putinin hazırkı strategiyası hər şeyi əhatə edən bir məqsədə, yəni Ukraynanın Aİ və ya NATO-ya tamhüquqlu üzv olmamasını əngəlləməkdən ibarətdir. Putin idxalın əvəzlənməsini və Avrasiya inteqrasiyasını gücləndirməklə Rusiyanı fəal şəkildə Qərbdən təcrid olunmuş vəziyyətdə saxlamağa çalışır. Ən gəlirli bazarını itirməsinə baxmayaraq, Putin Qərb şirkətlərinin Rusiya bazarını tərk etməsini Rusiya sənayesi üçün yeni imkanlar olaraq dəyərləndirir.

Təhlilçilər qeyd edirlər ki, Putinin Rusiyanın təcridini gücləndirməsi üçün atdığı addımlar müasir Avropanın müdafiə etdiyi və əldə etdiyi hər şeyə, iqtisadi inteqrasiya, xalqların sərbəst hərəkəti və ərazi bütövlüyü kimi dəyərlərə birbaşa təhlükə yaradır.

Poliqon.info