İtkilər barədə məlumat yoxdur...
Livandan İsrailə 34 raket atılıb.
APA xəbər verir ki, bu barədə İsrailin Müdafiə Qüvvələri məlumat yayıb.
Bildirilib ki, atılan raketlərdən 25-i İsrailin Hava Hücumundan Müdafiə Qüvvələri tərəfindən məhv edilib, 5 raket isə İsrail ərazisinə düşüb.
***
“Heç kim bizi sınamasın, ölkəmizi, xalqımızı müdafiə etmək üçün bütün lazımi tədbirləri görəcəyik”.
“Report” xəbər verir ki, bunu İsrailin xarici işlər naziri Eli Kohen tviterdə yazıb.
O bildirib ki, İsrail cənubdan və şimaldan raket təhlükəsi ilə üz-üzədir: “Beynəlxalq ictimaiyyəti İsrailə qarşı hücumlara görə məsuliyyət daşıyanlara qarşı açıq bəyanat verməyə çağırıram”.
Xatırladaq ki, bu gün Livandan İsrail ərazisinə çoxlu raket atılıb. Onlardan bəziləri “Dəmir günbəz” raketdən müdafiə sistemi tərəfindən zərərsizləşdirilib. İtkilər barədə məlumat yoxdur.
Qeyd edək ki, 2021-ci ilin avqustundan bəri Livandan belə intensiv raket hücumları olmayıb.
Poliqon.info
Digərxəbərlər
Populyar xəbərlər
