BBC Messinin bu yay “Newells Old Boys”a qayıtmasının mümkünsüzlüyünü açıqlayıb…
Poliqon.info xəbər verir ki bu barədə BBC-nin ispaniyalı jurnalisti Qilem Balaqe Lionel məlumat yayıb.
“Şayiələrin əksinə, bu yay Messi “Newells Old Boys”a keçməyəcək. Messi elit futbolda qalmaq istəyir. Bunun gələn mövsüm üçün də baş vermə şansı yoxdur”, deyə BBC jurnalisti yazıb.
Xatırladaq ki, Messi ailəsi ilə İspaniyaya köçməzdən əvvəl 1994-2000-ci illərdə “Newells Old Boys” klubunda oynayıb.
2021-ci ilin avqustunda argentinalı PSJ-yə keçib. O, 18 il “Barselona”da oynadıqdan sonra komandasından ayrılmaq qərarına gəlib. “Barselona” ilə birlikdə Messi 10 dəfə İspaniya çempionu olub və dörd dəfə Çempionlar Liqasını qazanıb.
Qeyd edək ki, hazırkı mövsümdə Messinin hesabında Fransa çempionatının 21 matçında cəmi 12 qol vurulub və 13 nəticəli ötürmə verilib.
Dekabr ayında Messi Argentina yığmasının tərkibində finalda Fransanı penalti ilə məğlub edərək dünya çempionu olub. Dünya çempionatında o, yeddi qol vuraraq üç nəticəli ötürmə edib və turnirin ən yaxşı oyunçu seçilib.
Poliqon.info