Aİ-nin sanksiya tətbiq edəcəyi Rusiya bankları məlum olub

Avropa İttifaqı Rusiyanın Alfa-Bank, Tinkoff-Bank, Rosbank və Milli Rifah Fonduna (MRF) qarşı məhdudiyyətlər tətbiq edəcək.

Poliqon.info xəbər verir ki, bu barədə Bloomberg Agentliyi müzakirə olunan sənəd layihəsinə istinadən xəbər verib

Aİ həmçinin bankları Mərkəzi Bankın aktivləri haqqında hesabat verməyə məcbur etmək və sanksiyalara görə dondurulmuş Rusiya aktivləri haqqında hesabatı genişləndirmək niyyətindədir.

Avropa İttifaqı dondurulmuş Rusiya aktivləri haqqında məlumatların təqdim edilməməsinə görə fiziki şəxslər üçün 50 min avroya qədər, hüquqi şəxslər üçün isə illik dövriyyənin 10%-ə qədər cərimə tətbiq etməyi planlaşdırır.

Agentliyin məlumatına görə, Aİ-nin onuncu sanksiya paketi Rusiya hərbçilərinin istifadə etdiyi mallara da ticarət məhdudiyyətlərini əhatə edəcək. Məhdudiyyətlər texnologiyaya, komponentlərə, ağır nəqliyyat vasitələrinə, elektronika və nadir torpaqlara təsir edəcək.

Bloomberg yazır ki, Aİ neft ixrac gəmilərinin təkrar sığortaçısı olan media qrupuna, öz gəmilərindən neft və Ukrayna taxılını daşımaq üçün istifadə edən gəmiçilik şirkətinə də sanksiyalar tətbiq etmək niyyətindədir. Sənəddə şirkətlərin adları açıqlanmır.

Bundan əlavə, Aİ ruslara Avropanın mühüm infrastruktur və müəssisələrinin operatorlarının rəhbər orqanlarında vəzifə tutmağı da qadağan etmək istəyir. Avropa ölkələrinin pasportuna malik Rusiya vətəndaşları qadağadan azad ediləcək.

Poliqon.info