Rişi Sunakın müavini Britaniyada ölüm hökmünün ləğv edilməsi istəyir...

Böyük Britaniyanın baş naziri Rişi Sunak Mühafizəkarlar Partiyasının yeni təyin olunmuş sədr müavininin ölüm hökmünü dəstəkləməsi ilə bağlı çağırışından özünü uzaq tutmağa cəhd edir.

Poliqon.info xəbər verir ki, bu barədə Sky News nəşri məlumat yayıb.

Qeyd edək ki, Mühafizəkarlar Partiyasının sədr müavini Li Anderson təyinatından bir neçə gün əvvəl The Spectator-a verdiyi müsahibədə Britaniyada ölüm hökmünün ləğv edilməsi ilə bağlı çağırış edib. O, mövqeyini əsaslandıraraq belə deyib: “Heç kim edam edildikdən sonra cinayət törətməyib. Bunu bilirsən, elə deyilmi? 100% müvəffəqiyyət”.

Andersonu Mühafizəkarlar Partiyasının sədr müavini vəzifəsinə təyin edən Baş nazir müavinin bu çağrışı ilə bağlı deyib ki, “bu, mənim fikrim deyil”. Sunak bunun hökumətin fikri olmadığını da qeyd edib, lakin hökumətin cinayətkarlıqla ən qəti şəkildə mübarizə aparmaq əzmində olduğunu da sözlərinə lavə edib.

“Biz Mühafizəkarlar Partiyasında cinayətlə mübarizədə tam qətiyyətli olmaq və insanların təhlükəsiz olmasını və özlərini təhlükəsiz hiss etmələrini təmin etmək arzusunda birləşmişik”, deyə Baş nazir vurğulayıb.

Baş nazir həmçinin bildirib ki, hökumət “ən qəddar cinayətkarları cəzalandırmaq üçün qanunları gücləndirib və onlar daha çox həbsxanada qalırlar”.

Poliqon.info