Zaxarova Qreta Tunberqin saxlanmasını ələ salıb

PİA.az xəbər verir ki, Zaxarova Telegram kanalında baş verənlərə gülüb və ironiya ilə Avropa İttifaqının Almaniya hakimiyyətinə qarşı nə vaxt sanksiyalar tətbiq edəcəyini sual edib.

“Aİ səlahiyyətliləri konkret polis zabitlərinə və Almaniya Daxili İşlər Nazirliyinin rəhbərliyinə nə vaxt sanksiya tətbiq edəcək?”, deyə Zaxarova teleqram kanalında yazıb.

Qeyd edək ki, Qreta Tunberq bazar ertəsi, yanvarın 16-da Almaniyada ətraf mühit fəallarının etiraz aksiyaları zamanı saxlanılıb. Etirazçılar yerli hakimiyyətdən qəsəbə ərazisindəki kömür mədənlərinin bağlanmasını tələb ediblər.

Alman mətbuatı polisin əvvəlcə Tunberqdən kəndi tərk etməsini tələb etdiyini yazıb. Amma fəal tələbi yerinə yetirmədiyi üçün zorla ərazidən çıxarılıb.

pia.az