Yunanıstanın xarici işlər naziri Nikos Dendias son aylarda Yunanıstanın Türkiyə tərəfindən artan təhlükə ilə üzləşdiyini iddia edib...
PİA.az Türkiyə mətbuatına istinadən xəbər verir ki, Yunanıstanın xarici işlər naziri Nikos Dendias “Parapolitica” qəzetinə Türkiyə-Yunanıstan münasibətləri ilə bağlı açıqlama verib.
Nikos Dendias Yunanıstanın milli suverenliyi ilə bağlı məsələlərin müzakirə və ya sorğu-sual üçün “açıq olmadığını” söyləyib.
Türkiyə Böyük Millət Məclisinin 8 iyun 1995-ci ildə qəbul etdiyi “casus bəllidir” (müharibə səbəbi) qərarına toxunan Dendias deyib:
“Təhlükələr bizi çəkindirə bilməz. Biz beynəlxalq hüquqa əsaslanan arqumentlərimizi sənədləşdirilmiş qaydada təqdim edərək, müharibə təhlükəsinə cavab verəcəyik”.
Yunanıstanın son aylarda Türkiyə tərəfindən artan təhlükə ilə üzləşdiyini iddia edən Dendias bir NATO ölkəsinin müttəfiqlərindən birinə güc tətbiq edərək və hədələyərək siyasətlə məşğul olmasını qəbuledilməz və ağlasığmaz adlandırıb.
pia.az