Putin kritik fərmanı imzaladı - Dost olmayan neft satışını qadağan etdi...

PİA.az Türkiyə mətbuatına istinadən xəbər verir ki, Rusiya prezidenti Vladimir Putinin imzaladığı fərmanla Qərb ölkələrinin Rusiya neftinin barrelinə 60 dollardan yuxarı qiymət tətbiqinə qarşı sanksiya elan edilməsinə qərar verilib.

Neft və neft məhsullarının tavan qiymət tətbiqində iştirak edən fiziki şəxslərə və şirkətlərə neft satışını qadağan edən fərmana əsasən, Rusiya neftinin alıcıları müqavilədə tavan qiymət və ya alternativ tavan qiymət mexanizmindən istifadə etsələr, nəql həyata keçirilməyəcək.

Neft nəqlinə qoyulan qadağanın 2023-cü il fevralın 1-dən qüvvəyə minəcəyi bildirilən fərmanda tavan qiymətləri tətbiq edənlərə neft daşımalarının ancaq Putinin xüsusi icazəsi ilə həyata keçirilə biləcəyi vurğulanıb.

Fərmana əsasən, neft məhsullarının daşınmasına qoyulan qadağa Rusiya hökumətinin müəyyən edəcəyi tarixdən qüvvəyə minəcək.

Qeyd edək ki, dekabrın 2-də Avropa İttifaqı ölkələri Rusiyadan dəniz yolu ilə daşınan neftin bir barelinin tavan qiymətinin 60 dollar olması barədə razılığa gəliblər.

Rusiya Baş nazirinin müavini Aleksandr Novak da dekabrın 23-də verdiyi açıqlamada tavan qiymət tətbiqində iştirak edənlərə neft və neft məhsullarını satmayacaqlarını, lazım gələrsə, neft hasilatını 5-7% azalda biləcəklərini söyləyib.

pia.az