Rusiyanın xarici işlər naziri Sergey Lavrov Ukrayna üçün sülh şərtlərini açıqlayıb və “nə qədər ki, sağ-salamatsınız bu şərtləri yerinə yetirin”, deyib…
PİA.az xəbər verir ki, belə bir məlumatı Rusiyanın dövlət agentliyi TASS yayıb. Rusiyanın xarici işlər naziri Sergey Lavrov bildirib ki, Ukrayna hakimiyyəti Rusiyanın tələblərini yerinə yetirməli və müqaviməti dayandırmalıdır.
Lavrov həmçinin Ukraynadan Moskvanın “demilitarizasiya və denazifikasiya” tələblərini yerinə yetirməsini tələb edib. “Əks halda bunu Rusiya ordusu edəcək”, deyə Lavrov vurğulayıb.
Rusiya xarici işlər şefi qeyd edib ki, Ukraynanın göstərdiyi müqavimət yersizdir və mənasızdır. Üstəlik, Ukrayna hakimiyyəti Xerson, Zaporojye, Donetsk və Luqansk vilayətlərində artıq işğal olunmuş əraziləri də Rusiya əraziləri olaraq tanımalıdır.
Ukraynanın 4 vilayətinin işğal olunmuş ərazilərini Lavrov “bizim yeni torpaqlarımız” adlandırıb.
Qeyd edək ki, sosial şəbəkələrdə Lavrovun əslində komik səslənən açıqlamasına gülməyə başlayıblar.
Hətta Strelkov-Girkin Lavrovun sözlərinə istehza ilə yanaşıb: “Məndə belə təəssürat yarandı ki, Lavrov Konaşenkovun hesabatlarına çox baxır”, deyə DXR-in sabiq “müdafiə naziri” Lavrovun tələblərinin qeyri-adekvatlığına eyham vuraraq yazıb.
Xatırladaq ki, Rusiyanın Ukraynanı öz tələblərini yerinə yetirməyə məcbur etmək cəhdi, demək olar ki, yoxdur. Bir illik müharibədən sonra hərbi potensialının, texnikasının və aviasiyasının böyük hissəsini itirmiş Rusiya ordusu üçün bu hədəfləri reallaşdırmaq artıq imkansıza çevrilib.
pia.az