Rusiya Fedarasiyasının subyektlərindən biri olan Tatarstan Respublikasında prezident vəzifəsi ləğv edilib. Bundan sonra Tatarıstan Respublikasının rəhbəri Rəis adlanacaq....
PİA.az Rusiyanın “Vedomosti” nəşrinə istinadən xəbər verir ki, Tatarıstan Dövlət Şurasının Rəyasət Heyətinin iclasında Tatarstan Respublikasında prezident vəzifəsi ləğv edilib. Bundan sonra respublikanın rəhbəri Rəis adalanacaq.
Qeyd edək ki, Rəis ərəb və bir sıra digər şərq dillərində başçı, rəhbər mənalarını verir və bir sıra ölkələrdə də yerli dildə prezidentlər “Rəis” adlandırılır.
Qeyd edək ki, Tatarıstan Respublikasının rəhbərinin prezident titulu ilə adlanması uzun illərdir ki, Kremlə narahatlıq yaradırdı. Prezident titulunun ləğv edilməsini də məhz Kreml və Dövlət Duması tələb edirdi. Rusiya hakimiyyət dairələri hesab edirdiliər ki, Tatarıstan rəhbərinin prezident titulu daşıması onu Putinlə eyni səviyyəyə çıxarır. Həmçinin Rusiyada ehtiyyat edirdilər ki, Tatarıstan rəhbərinin prezident titulu daşıması gələcəkdə Taraıstanın Rusiya Federasiyasından ayrılması üçün hüquqi əsas yarada bilər.
Qeyd edək ki, Tatrıstanda prezident institutu 1993-cü ildə Tatarıstanla Rusiya Fedarasoyası arasında imzalanmış saziş əsasında formalaşdırılmışdı. Sazişi həmin dövrdə prezident olan Boris Yeltsin imzalamışdı.
pia.az