Polşaya atılan raketlər və NATO-nun imtahanı...

Politoloq: “NATO əslində Polşaya atılan raket hadisəsi ilə bağlı böyük imtahan qarşısındadır”.

“Hələlik NATO-Rusiya qarşıdurması haqqında danışmaq tezdir. Çünki hiss olunur ki, NATO-nun ipini çəkən əsas dünya gücləri heç də bu qarşıdurmada maraqlı kimi görünmürlər”.

Bu sözləri politoloq Natiq Miri Polşaya atılan raketlərin nəticələrini PİA.az-a şərh edərkən qeyd edib.

Dünən Polşa ərazisinə düşən iki raket bütün NATO-nu ayağa qaldırıb. Polşa bu raketin Rusiyaya aid olduğunu gecə saaatlarında təsdiqləyib. Bu gün isə bu məsələ ilə bağlı NATO ölkələrinin səfirlərinin məsləhətləşmələri olacaq. Ukrayna münaqişəsinin NATO-Rusiya hərbi qarşıdurmasına keşməsinə ehtimal vermək olar və baş verən insidentdən sonra NATO tərəfindən hansı addımlar atıla bilər?

Mövzunu PİA.az-ın əməkdaşı Azərbaycan Milli Strateji Təhqiqatlar Mərkəzinin sədri Natiq Miri ilə müzakirə edib.

Natiq Miri: “Birbaşa NATO-Rusiya qarşıdurması kontekstində ABŞ daha ehtiyyatlı davranmağa üstünlük verir”.

NATO-nun davranışının ittifaqa üzv olan ölkələrin gələcək təhlükəsizliyi ilə bağlı müəyyən məsələlərə aydınlıq gətirəcəyini vurğulayan politoloq PİA.az-a bildirib ki, buninla da Şimal Alyansının nizamnaməsində kollektiv müdafiə ilə bağlı müddəanın belə hadisələrdə işlək olmasını, yoxsa yalnız söz yığınından ibarət olduğu aydınlaşacaq:

“Düşünürəm ki, ərazisinə düşən raketin Rusiyaya aid olması haqqında Polşanın açılqması araşdırma aparmadan verdiyi ilk açıqlamadır. Amma bu yöndə təkcə Polşanın deyil, eyni zamanda ABŞ və NATO rəhbərliyinin ekspertlərinin də araşdırma aparacaq. Bunun nəticəsinə uyğun olaraq da addım atılacaq.

Ayrıca bu məsələdə ABŞ nisbətən daha etibarlı bir davranış ortaya qoyur. Fikir verirsinizsə, ABŞ-ın rəhbərliyi bu raketlərin Rusiyaya məxsus ola bilməyəcəyini də iddia etməklə bərabər, hətta bu raketlərin bilərəkdən və yaxud bilməyərəkdən Polşaya düşmə məsələsinin də araşdırılması ilə bağlı açıqlama verib. Digər bir versiya isə Ukrayna Hava Hücumundan Müdafiə Qüvvələrinin vurduğu Rui\\siya raketinin Polşa ərazisinə düşməsi ilə bağlıdır. Bu daha inandırıc versiya olaraq görünür və son açıqlamalar da bu versiyanın əsas götürülməsi ilə bağlı ehtimalları gücləndidir. Bu faktın özü də göstərir ki, birbaşa NATO-Rusiya qarşıdurması kontekstində ABŞ daha ehtiyyatlı davranmağa üstünlük verir.

Natiq Miri: “Düşünürəm ki, NATO-nun verdiyi qərar bu müdafiə qurumunun gələcəyini müəyyən edəcək”.

Həmçinin, bu məsələ NATO-nun gələcək prespektivi ilə bağlı bir məsələdir. Yəni NATO əslində Polşaya atılan raket hadisəsi ilə bağlı böyük imtahan qarşısındadır. Çünki NATO-nun davranışı ittifaq üzvü olan ölkələrin gələcək təhlükəsizliyi ilə bağlı müəyyən məsələlərə aydınlıq gətirəcək. Bu da NATO-nun nizamnaməsində kollektiv müdafiə ilə bağlı müddəanın belə hadisələrdə işlək olmasını, yoxsa yalnız söz yığınından ibarət olduğu aydınlaşacaq.

Buna görə də düşünürəm ki, NATO-nun verdiyi qərar bu müdafiə qurumunun gələcəyini müəyyən edəcək. Bu baxımdan hələlik NATO-Rusiya qarşıdurması haqqında danışmaq tezdir. Çünki hiss olunur ki, NATO-nun ipini çəkən əsas dünya gücləri heç də bu qarşıdurmada maraqlı kimi görünmürlər”.

Nərminə UMUDLU
pia.az