Türkiyənin müdafiə naziri Hulusi Akar, Rusiyalı həmkarı Sergey Şoyqu ilə İdlibin deeskalasiya zonasında hava zərbələrinin sayının artması mövzusunu müzakirə edəcəyini istisna etməyib. Bu barədə "Anadolu" xəbər verir.
Jurnalistlərə verdiyi müsahibədə Akar vurğulayıb ki, Rusiya tərəfi hava zərbələrinin Suriyadakı "terror qrupları" na edildiyini iddia edir, lakin reallıqda, qurbanların arasında və ya bu hava hücumlarından hilas olunanların arasında bir dənə də olsun terrorçu yoxdur.
“Uzun illərdir ki, Suriya ilə bağlı mövqeyimi bildirməyə çalışıram. Türkiyə Rusiya ilə razılaşmanın bütün şərtlərini yerinə yetirir. Öhdəliklərimizə uyğun olaraq hərəkət edirik. Qarşı tərəfdən də eyni münasibəti gözləyirik", - Akar vurğulayıb.
Türkiyəli nazir, Rusiya aviasiyasının hərəkətlərinin bölgədə yeni qaçqın dalğası meydana gətirdiyini və əhalinin radikallaşmasına səbəb olduğunu vurğulayıb. “Türkiyə növbəti qaçqın dalğasını qəbul edə bilməyəcək. Bütün tərəflər bunu bilir. Hava zərbələri də radikal fikirləri gücləndirir. Evlərini və torpaqlarını itirmiş insanların vəziyyətini düşünün. Bu barədə davamlı olaraq danışırıq. Atəşkəs razılaşmalarının sabitliyini və müddətini təmin etmək çox vacibdir. Unutmayın ki, Türkiyənin nəzarət etdiyi ərazilərdən bir milyona yaxın suriyalı artıq öz torpaqlarına qayıdıb və onlardan 400 min nəfəri İdlibdədir", - o bəyan edib.
Ankara və Moskvanın bölgədəki addımlarını əlaqələndirmək mövzusuna toxunan Akar, həm Türkiyə, həm də Rusiya tərəfinin üzərində işlədiyi "ciddi bir mexanizm"in olduğunu qeyd edib.
Nazir, türk zabitlərinin müəyyən bölgələrdə rus generalları ilə görüşdükləri haqqında deyib. “Ümid edirik ki, Türkiyə və Rusiya prezidentləri arasında Soçidə keçirilən danışıqların ardından İdliblə bağlı razılaşmalar tamamilə bərpa olunacaq. BMT -nin himayəsi altında siyasi həll, yeni konstitusiyanın hazırlanması və xarici qüvvələrin müdaxilə etməyəcəyi seçkilərin keçirilməsi vacibdir ", - Akar əlavə edib.(virtualaz.org)
pia.az
Digərxəbərlər
Populyar xəbərlər
