Amerika Birləşmiş Ştatları (ABŞ) sahil-mühafizə gəmilərinin 8-i birdən Venesuela sahillərinin yaxınlığında cəmləşib
Əraziyə həm də ABŞ-ın «USNS Comfort» hospital gəmisi gəlib.
Ekspertlər ehtimal edirlər ki, yaranmış vəziyyət Bolivarian Respublikasının dəniz blokadasına alınmasına işarə kimi qəbul oluna bilər. Hər necədirsə, söhbət bölgədə «humanitar missiya»dan getmir.
Bütün bunlar avustun 29-da ABŞ-ın xüsusi nümayəndəsi Elliotta Abramsın jurnalistlər qarşısında səsləndirdiyi bəyanatın fonunda baş verir. Abrams bəyanatında səsləndirmişdi ki, Venesuela prezidenti Nikolas Maduro istefaya getməyə hazırlaşmır.
«Mən, Maduronun prezident postundan getməyə hazır olduğunu təsdiqləyən heç bir əlamət görmürəm. Bu, çox məyusedicidir» – deyə, Abrams bildirib.
Bundan başqa, Abramsın sözlərinə görə, Ağ Evin administrasiyası ümid edir ki, Avropa İttifaqı artıq yaxın vaxtlarda Venesuela hökumətinə qarşı sanksiya tətbiq edəcək. Bu zaman, Birləşmiş Ştatlar Karakasa qarşı təzyiqləri aşağı salmağa hazırlaşmır, əksinə, daha fəal tədbirlər nəzərdə tutur («Röyter»).
Abrams qeyd edib ki, Maduro hökuməti Rusiyanın dövlət korporasiyası olan «Rosnef»in maliyyə dəstəyinə getdikcə daha çox ümid bəsləyir. Eyni zamanda, o bildirib ki, «Rosneft»in Venesuela neftini almaq və ardınca satmaq əməliyyatları ABŞ sanksiyalarını pozmur.
pia.az