“Başqalarından fərqli olaraq səndə 1 faiz də olsa kişilik görürəm…”
Getdikcə sıraları genişlənən “söyüş müxalifəti”nə qarşı onların öz platformalarında aylardır demək olar ki, təkbaşına mübarizə aparan iş adamı Maqsud Mahmudov, son günlər bir sıra aksiyalara əl atıb.
Belə ki, təxminən 2 həftə əvvəl bəzi mühacirləri virtual olaraq “başına yığaraq” “Məhsul” stadionunda aksiya keçirən M.Mahmudov, dünən “Youtube” kanalına yerləşdirdiyi növbəti videomüraciətində onlara “itin sözünü” deyib.
İş adamı bildirib ki, bu mühacirlər kütləvi şikayətlər təşkil etməklə onun “Youtube” kanalını tez-tez blokladırlar ki, bu da onların cığallığından xəbər verir. İş adamı bir daha üzünü mühacirlərə tutaraq, onları kişi kimi mübarizə aparmağa, ləyaqətsizlik edib söyüş söyməməyə çağırıb. “Kamera qarşısında və ya telefonla söyüş söymək, təhqir yağdırmaq kişilik əlaməti deyil”, – deyən M.Mahmudov “söyüş müxalifəti”nin bir nümayəndəsinə isə xüsusilə səslənib: “Digərlərindən fərqli olaraq, səndə 1 faiz də olsa kişilik görürəm, çəkil bu yoldan!”(azpolitika)
M.Maqsudovun sonuncu videosunu təqdim edirik:
pia.az