"Real"la kubok oyunundan sonra jurnalistlərin suallarını cavablandıran "Barselona"nın futbolçusu Cerard Pike siyasi açıqlamalar verib
PİA.AZ fanat.az-a istinadən xəbər verir ki, futbolçu Kataloniyanın müstəqilliyi ilə bağlı keçirilən referendumdan sonra həbs olunan siyasətçilərin müdafiəsinə qalxıb: "İspaniya televiziyaları VAR sistemini müzakirə etməkdənsə, siyasi məhbusların məhkəmələrinə daha çox vaxt ayırsa, irəli gedərik".
Hər zaman Kataloniyanın müstəqilliyinə dəstək verən Pikenin bunun uğrunda mübarizə aparanları "siyasi məhbus" adlandırması müstəqillik tərəfdarları tərəfindən alqışlansa da, ölkənin bütövlüyünün tərəfdarları və medianın etiraz ilə qarşılaşıb. Çox sayda insan futbolçuya etiraz edərək, onu "separatçı" adlandırıb.
Referendumdan sonra İspaniyadan qaçaraq Belçikaya sığınan Kataloniya mutariyyətinin rəhbəri Karles Puçdemon Pikenin açıqlamasına "Twitter"dən münasibət bildirib. "Fövqəladə açıqlama. Cəsarətinə və vicdanına görə təşəkkürlər, Pike" deyə keçmiş muxtariyyət rəhbəri yazıb.
La Liqanın prezidenti Xavyer Tebasın açılaması isə belə olub: "İspaniyada siyasi məhbus yodu. Pike böyük futbolçudu, amma çox pis bir hüquqşünasdı".
pia.az