Məşhur "Zoopark əhvalatı" əsəri səhnəyə qoyulur

Rejissor laboratoriyasının bədii rəhbəri Əməkdar İncəsənət xadimi, Azərbaycan Dövlət Gənc Tamaşaçılar Teatrının baş rejissoru Bəhram Osmanovdur.

Hal-hazırda laboratoriyada qurulan tamaşalardan birinin rejissoru tamaşanın quruluşçu rejissoru, Azərbaycan Dövlət Gənc Tamaşaçılar Teatrının aktyoru İmran Ali Qurbandır. Gənc rejissor bizə verdiyi açıqlamada bildirib ki, məşhur amerikalı yazıçı Edvard Olbinin “Zoopark əhvalatı” pyesi eyni ad altında tamaşaya qoyulacaq. Tamaşada olan personajlardan "Jerry" obrazını Respublikanın əməkdar artisti Rövşən Kerimduxt, "Piter" obrazını isə aktyor Elçin Hacı canlandıracaq.

Səhnə əsərinin premyera tarixi və məkanı hələlik açıqlanmasa da, məşqlər tam sürətlə davam etdirilir.

Rejissorun dilindən - Edvard Olbinin "Zoopark Əhvalatı" əsəri dövründən və məkanından asılı olmayaraq, daim aktual və tamaşaçıların ixtiyarına verilə biləcək bir əsərdir.

Gülşən ŞƏRİF
pia.az