“Türkiyə Prezidenti Rəcəb Tayyib Ərdoğanın Rusiyaya səfəri və həmkarı Vladimir Putinlə görüşü Ankara-Moskva müttəfiqliyinin Suriya və bütövlükdə region üçün böyük əhəmiyyət kəsb etdiyini göstərdi”
Bunu siyasi ekspert Zaur İbrahimli deyib.
Ekspert qeyd edib ki, bütün fikir ayrılıqlarına baxmayaraq, Rusiya-Türkiyə razılaşmalarının hər iki tərəf üçün əlavə dayaq nöqtəsi olması Ankara və Moskvada aydın dərk edilir:
“Bu ittifaq ABŞ başda olmaqla Qərb koalisiyasının Yaxın Şərq regionunu yalnız öz maraqlarına uyğun şəkildə dizayn etmək planlarının üstündən xətt çəkdi. Türkiyə növbəti dəfə Avrasiya platformasında böyük qonşuları ilə ittifaq yaradaraq onu son dərəcə gücdən salmaq planlarını poza bildi.
Ankara 220 il əvvəlki kimi Şərq bloku yarada bildi. 1799-cu ildə də Türkiyə Fransanın Misirə hücumundan ehtiyatlanaraq, Rusiya ilə sazişə girmiş, ilk dəfə Qara dənizi bölməyə razılıq vermişdi. Bu saziş indi olduğu kimi, 19-cu əsrin başlanğıcında hər iki ölkə üçün geosiyasi sığortalanma imkanları yaratmışdı. Zaman dəyişir, siyasi sistemlər dəyişir, amma geosiyasi imperativ öz qüvvəsində qalır”.
Zaur İbrahimlinin sözlərinə görə, indiki halda Rusiya-Türkiyə-İran ittifaqı Yaxın Şərqdə ABŞ-İsrail ittifaqına (Qərb koalisiyası) qarşı müqavimət sipəri rolunda çıxış edir: “Əsrlər əvvəl rus-türk ittifaqı kimi. Atatürk və Lenin də bu geosiyasi imperativi yaxşı başa düşürdülər”. (Teleqraf.com)
pia.az
Digərxəbərlər
Populyar xəbərlər
