Səudiyyə Ərəbistanının İstanbuldakı konsulluğunda qətlə yetirilən jurnalist , “The Washington Post” qəzetinin köşə yazarı Camal Xaşogi (Camal Kaşıkçı) ilə bağlı bir sıra dəlillər əldə edilib
Bu barədə Türkiyənin hakim Ədalət və İnkişaf Partiyasının (AKP) İnsan haqları üzrə sədr müavini Leyla Şahin Usta Konyada jurnalistlərin suallarını cavablandırarkən deyib.
“Türkiyənin səlahiyyətli şəxsləri, prokurorluq və polis əməkdaşlarının araşdırması nəticəsində bir sıra dəlillər əldə edilib. Səudiyyə rəsmilərinin hadisəni bu nöqtəyə gəlib çatmamışdan əvvəl izah etmələri daha məqbul olardı. İşin üstü açıqldıqdan sonra məcbur qalaraq açıqlama verdilər. Bütün dəlillər tezliklə açıqlanacaq”, - deyə millət vəkili qeyd edib.
Xatırladaq ki, Camal Xaşogi oktyabrın 2-də konsulluğun binasına sənəd almaq üçün girib və bir daha çıxmayıb. Onun konsulluq binasında öldürüldüyü və cəsədinin parçalandığı üzə çıxıb.(virtualaz.org)
pia.az