Beyləqan Kənd Təsərrüfat İstehsalat Müəsissəsinin direktoru Çərkəz Şirinov prezident İlham Əliyevin pambıqçılığı inkişaf etdirmə siyasətini belə dəyərləndirir
Müəsissə direktorunun himayəçisi olan Tofiq Qocayev Kənd Təsərrüfatı Nazirliyinin Dövlət müəssisələrinin idarəedilməsi şöbəsinin müdiri işləyir. Demək olar ayda 1-2 dəfə Beyləqana səfər edən Tofiq Qocayev Çərkəz Şirnovun bütün qanunsuzluqlarından və özbaşınalıqlarından xəbərdardır. Həmçinin bu qanunsuzluqlara və özbaşınalıqlara şərikdir.
Son illər prezident İlham Əliyevin təşəbbüsü ilə ölkədə pambıqçılığın inkşafı üçün dövlət səviyyəsində işlər aparılır. Ancaq prezidentin bu təşəbbüsünü bəzi məmurlar qulaqardına vuraraq, pambıqçılığın inkşafını özlərinin şəxsi mənfəət obyektinə çevirməkdədirlər. Belə bir məmurlardan biri də Beyləqan rayonunda yerləşən Kənd Təsərrüfat İstehsalat Müəsissəsi MMC-nin direktoru Çərkəz Şirinovdur.
Beyləqan rayon sakini Şahin Əsədovun AzFakt.com-a verdiyi məlumata görə müəsissə direktoru Çərkəz Şirinov dövlətin pambıqçılığın inkişaf etdirilməsi siyasətindən sui istifadə edərək, özünün şəxsi binznesini inkşaf etdirir. Belə ki, hazırda Beyləqan Kənd Təsərrüfat İstehsalat Müəsissəsində 600 hektara yaxın pambıq əkilməsinə baxmyaraq, Çərkəz Şirinovun səhlənkarlığı, layqeydsizliyi nəticəsində bu qədər əkin sahəsi məhv olmaq üzrədir.
Məlumatda qeyd edilir ki, Çərkəz Şirinov pambıq sahələrinin becərilməsi üçün dövlətdən təxminən 300 min manata yaxın vəsait almasına baxmayaraq, demək olar ki, əkin sahələrində heç ciddi iş görülməyib və aşağıda təqdim edəcəyimiz şəkillərdən də göründüyü kimi pambıq sahələri alaq otlarının içində məhv olub. Pambıq becərmək əvəzinə direktor dövlətdən aldığı vəsiatin bir hissəsinə mal-qara alaraq rəhbərlik etdiyi müəsissədə saxlatdırır və həmin mal-qaranı elə dşvlətin pulu ilə əkdiyi pambıq sahələrində otarır. Dəfələrlə Çərkəz Şirinovun bu hərkətinə etiraz edənlər olmasına baxmayaraq, müəsissə direktoru açıq aşkar deyib ki, “dövlət bilər, mən bilərəm”.
Şahin Əsədov iddia edir ki, Çərkəz Şirinovun bu hərəkətləri prezident İlham Əliyevin pambıq siyasətini ayaqlar altına atmaq deməkdir. Çünki ölkə rəhbəri dayanmadan rayonlara səfər edərək, pambıqçılıqla maraqlanır və bu sahənin inkşafı üçün bütün lazım olan köməkliklərin edilməsi üçün tapşırıqlar verir. Ancaq Çərkəz Şirinov kimi məmurlar ölkə rəhbərinin iqtisadiyyatda qeyri neft sektorunun inkişafına yönələn bu siyasətindən sui istifadə edərək öz şəxsi bizneslərini inkşaf etdirirlər.
Şikayətçi Şahin Əsədovun iddiasına görə, Çərkəz Şirinov bu özbaşınalığını tələbə yoldaşı, onun əsas himayədarı və bu vəzifəyə təyin edilməsini təşkil edən Tofiq Qocayevə arxalanaraq həyata keçirir. Müəsissə direktorunun himayəçisi olan Tofiq Qocayev Kənd Təsərrüfatı Nazirliyinin Dövlət müəssisələrinin idarəedilməsi şöbəsinin müdiri işləyir. Demək olar ayda 1-2 dəfə Beyləqana səfər edən Tofiq Qocayev Çərkəz Şirnovun bütün qanunsuzluqlarından və özbaşınalıqlarından xəbərdardır. Həmçinin bu qanunsuzluqlara və özbaşınalıqlara şərikdir. Çərkəz Şirinov özü hər yerdə deyir ki, Tofiq Qocayev tələbə yoldaşıdır və nazir Heydər Əsədovla yaxındır, onun direktor təyinatı üçün nazirə çatacaq “haqq hesabı” tələbə yoldaşı vasitəsi ilə çatdırıb.
Qarşı tərəfin mövqeyini dərc etməyə hazırıq.
Mənbə: AzFakt.com
pia.az
.jpg)
Digərxəbərlər
Populyar xəbərlər
