Bu il Azərbaycanda 2 fevral - Gənclər günü ertəsi gün qeyd olunacaq
.
Lent.az-a məlumatına görə, buna səbəb əlamətdar tarixin bazar gününə təsadüf etməsidir.
Gənclər və İdman Nazirliyinin mətbuat xidmətindən verilən məlumata görə, əvvəlcə gənclər mərhum prezident Heydər Əliyevin məzarını, ardından Şəhidlər Xiyabanını ziyarət edəcəklər. Tədbirlər Gənclər və İdman Nazirliyi, Mədəniyyət və Turizm Nazirliyi və Azərbaycan Rəssamlar İttifaqının birgə təşkil etdiyi gənc rəssamların əsərlərindən ibarət sərginin açılışı ilə davam edəcək. Bu tədbir Vəcihə Səmədova adına sərgi salonunda keçiriləcək. Sərgidə tamaşaçılara 200-dək gənc peşəkar rəssamın rəsm və heykəltəraşlıq əsərləri, tətbiqi sənət nümunələri təqdim olunacaq.
Virtualaz.org xatırladır ki, bu gün 1996-cı ildə mərhum prezident Heydər Əliyevin sərəncamı ilə təsdiq olunub. Başqa sözlə, Gənclər günü MDB məkanında və Şərqi Avropa ölkələri arasında ilk dəfə Azərbaycanda qeyd olunub. Sonra digər MDB ölkələrində və Şərqi Avropa dövlətlərində də bu gün qeyd olunmağa başladı. Hər il gənclər həmin gün gördükləri işlər barədə yekun hesabat verirlər.
Onu da qeyd edək ki, BMT-nin qərarı ilə avqustun 12-si Dünya gənclər günü elan edilib.
Digərxəbərlər
Populyar xəbərlər
