Müharibə xərcləri - Ukrayna ordusunun illik sərfiyyatı 55 milyard dollara yüksəlib...

Ukraynanın Baş naziri Denis Şmıqal silahlı qüvvələrə dəstək üçün hər il federal büdcədən ildə təxminən 2 trilyon qrivna (təxminən 55 milyard dollar) ayrılır.

Poliqon Ukrinform Agentliyinə istinadən xəbər verir ki, Baş nazir bunu Ukraynada olan səfirlərin konfransında bildirib. Onun sözlərinə görə, indi Ukrayna dövləti bu xərcləri tərəfdaşların maliyyə yardımı, qrant və kreditlər hesabına ödəyir.

“Əslində, silahlı qüvvələrin dəstəyi və müharibə Ukraynaya təxminən 2 trilyon qrivnaya başa gəlir. Bu, sülh dövrünə Ukrayna büdcəsinin gəlir hissəsindən çoxdur”, deyə Şmıqal konfransda bildirib.

Baş nazirin sözlərinə görə, hərbi münaqişə başlayana qədər büdcə gəlirləri 1,3 trilyon qrivna təşkil edib. 2022-ci ildə ölkənin ÜDM-i 29,5% azalıb. Eyni zamanda, 2023-cü ildə hökümət iqtisadiyyatda “hətta cüzi artım” gözləyir.

2023-cü ilin birinci yarısında Ukrayna büdcəsinə yığılan vergilərdən 600 milyard qrivnadan çox vəsait daxil olub. Eyni dövrdə Ukrayna Silahlı Qüvvələrinin maliyyələşdirilməsinə 672 milyard qrivna ayrılıb. Aprel ayında Ukrayna prezidenti Vladimir Zelenski ölkənin müdafiə xərclərini 14,5 milyard dollar artırıb.

Poliqon.info