MKİ: Si Tsinpin Tayvanı nəzarətə götürməkdə qərarlıdır...

Poliqon xəbər verir ki, bu barədə ABŞ Mərkəzi Kəşfiyyat İdarəsinin (MKİ) rəhbəri Uilyam Börns açıqlama verib. Onun çıxışı sabiq prezident Corc Buşun adını daşıyan mərkəzin saytında dərc edilib.

"Düşünürəm ki, Si Szinpin siyasi həyatı boyunca Tayvanı idarə etmək üçün hərəkətə keçməkdə qərarlıdır. Bu, onun sabah, gələn ay və ya gələn il adanı işğal etməyi planlaşdırdığı anlamına gəlmir. Bu o deməkdir ki, biz (ABŞ-red.) bu ambisiyaları çox ciddi qəbul etməliyik", deyə Börns bildirib.

Federal Təhqiqatlar Bürosunun (FTB) direktoru Kristofer Rey isə bildirib ki, çinli hakerlər ABŞ-ın kritik infrastrukturuna sızıblar və hər an zərbə endirməyə hazırdırlar.

O iddia edir ki, Pekinin enerji, su və iqtisadiyyatın digər kritik sektorlarında, o cümlədən telekommunikasiya sahəsində artıq xeyli sayda ABŞ şirkətlərinə giriş əldə edən "Volt Typhoon" haker qrupunun arxasında Çin rəhbərliyi cayanır.

FTB direktoru hesab edir ki, nə vaxtsa "Volt Tayfun" ABŞ-a zərbə vuraraq Amerika iqtisadiyyatının əhəmiyyətli hissəsini iflic edə bilər.

Pekin haker qrupu ilə əlaqəsini inkar edir və qeyd edir ki, Vaşinqton bu mövzudan Çini əsassız şəkildə tənqid etmək üçün istifadə etməyə çalışır.

Poliqon.info