Maliyyə Nazirliyi: Keçmiş prezidentin qızı Özbəkistana cəmi 32 milyon dollar qaytarıb

Virtualaz.org yerli KİV-ə istinadən bildirir ki, bu barədə Özbəkistanın Maliyyə Nazirliyi məlumat yayıb.

Bildirilir ki, ölkə mətbuatında G.Kərimovanın dövlət büdcəsinə 1,2 milyard dollar qaytarması haqqında yayılan məlumatlar həqiqəti əks etdirmir. G.Kərimova 2018-ci ildə büdcəyə 20,2 milyon, bu il isə 11,8 milyon dollar qaytarıb.

Virtualaz.org xatırladır ki, G.Kərimovanın iki cinayət işinə görə Özbəkistana vurduğu zərər 2 milyard dollar təşkil edir. Bu günə qədər Özbəkistan onun 12 ölkədə, o cümlədən Rusiyada olan 1,5 milyard dollar həcmindəki aktivlərinə həbs qoyub.

Onu da xatırladaq ki, Gülnarə Kərimova 2015-ci ildə vergidən yayınmaqda və soyğunçuluqda ittiham olunaraq beş il müddətinə azadlıqdan məhrum edilib.

Ötən ilin iyununda humanizm prinsipləri əsas götürülərək Gülnarə Kərimovanın cəzası ev dustaqlığı ilə əvəzlənmişdi. Amma həmin müddətdə o, ev dustağı kimi ölkə qanunlarını pozduğuna görə barəsində yenidən həbsxanaya göndərilməsi haqqında qərar qəbul olundu və hazırda cəzasını çəkir.

pia.az