İsveçrəli tədqiqatçılar kompüter qarşısında stress keçirən insanların davranışlarını araşdırıblar...
Poliqon The İndependent qəzetinə istinadən xəbər verir ki, tədqiqatçılar müəyyən ediblər ki, insanların kompüter “siçanı”ndan istifadə yöntəmi (kompüter istifadəçiləri daha çox daha çox “mouse” (-mauz) adlandırır) və klaviaturada yazı yazması stress əlamətlərinin göstəricisi ola bilər.
Sürixdəki İsveçrə Federal Texnologiya İnstitutunda aparılan araşdırmalar nəticəsində məlum olub ki, stresli insanlar kompüter siçanı ilə qəfil və şiddətli zərbələr vururlar.
Tədqiqat qrupuna rəhbərlik edən Mara Nägel bildirib ki, stressli insanlar “siçan”ın kursorunu daha tez-tez və kobud şəkildə hərəkət etdirərək ekranda daha uzun məsafə qət edirlər.
“Özünü rahat hiss edən insanlar məqsədlərinə çatmaq üçün daha qısa, birbaşa yollardan istifadə edirlər”, deyə Nägel əlavə edib.
Məlum olub ki, stressi olmayan insanlar daha az, lakin daha uzun fasilə verirlər və başqaları kimi çox səhv etmirlər.
Tədqiqat qrupu korporativ mühitdə işləyən 90 nəfəri ürək monitorları ilə təchiz edib. Bu arada süni intellekt sistemi iştirakçıların klaviatura və “siçan”lardan necə istifadə etdiklərini, stress səviyyələrinin ölçüldüyünü müşahidə edib.
“Biz təəccübləndik ki, klaviatura və “siçan”dan istifadə stress keçirən iştirakçıların ürək döyüntüsündən daha yaxşı hiss etdiyini göstərdi”, deyə Nägelin vurğulayıb.
Tədqiqatçıların məqsədi işçilərin ofis mühitində necə stresli olduqlarını müəyyən etmək üçün yeni yolları araşdırmaq olub.
Mütəxəssislər bu cür tapıntılar sayəsində işçilərin sağlamlığını iş həyatının stresindən qorumağı hədəfləyirlər. 2018-ci ildə aparılan bir araşdırma artan stress səviyyəsinin ürək problemlərindən əziyyət çəkən insanlarda ölümə səbəb olduğunu göstərib.
Poliqon.info