İsrail kiçik bir ərazidə yüz minlərlə insanın döyüşlərdən sığındığı Qəzza zolağının cənubundakı Rəfah şəhərinə kütləvi hücuma keçib...
Poliqon xəbər verir ki. bu barədə “Al Mayadeen” telekanalı məlumat yayıb. Qeyd edilir ki, hücum nəticəsində 100-dən çox insan həlak olub, 230-dan çox insan yaralanıb.
Reuters Agentliyi hadisə şahidlərinə istinadən yazır ki, güclü gecə partlayışları şəhərdə kütləvi panikaya səbəb olub. Bəziləri İsrailin qurudan hücuma keçməsindən ehtiyat edir.
İsrail ordusu Qəzza zolağının cənub hissəsinə “bir sıra zərbələr” həyata keçirdiyini təsdiqləyib. İsrail ordusu bu barədə Teleqram kanalındaməlumat yayıb.
Qeyd edək ki, fevralın 9-da Netanyahu Misirlə həmsərhəd olan Rəfah şəhərində hərbi əməliyyata başlamaq niyyətini açıqlayıb. ABŞ Dövlət Departamentinin sözçüsü Vedant Patel deyib ki, “bir milyon insanın sığındığı bir ərazidə planlaşdırmadan və düşünmədən indi belə bir əməliyyat keçirmək fəlakət olardı”. Misir İsrailin niyyətlərinə cavab olaraq sülh müqaviləsini pozmağa hazır olduğunu açıqlayıb. Səudiyyə Ərəbistanı Xarici İşlər Nazirliyi BMT Təhlükəsizlik Şurasının çağırılmasını tələb edib.
Poliqon.info
Digərxəbərlər
Populyar xəbərlər
