İspaniya Mərakeş matçı öncəsi töz vətəndaşlarına təhlükəsizlik xəbərdarlığı edib...
PİA.az Türkiyə mətbuatına istinadla xəbər verir ki, hər iki ölkənin milliləri indiyədək 3 dəfə üz-üzə gəlib, İspaniya 2 qələbə qazanıb (DÇ-nin seçmə mərhələsi), 1 görüşü isə (2018-ci il Rusiyada keçirilən dünya çempionatının qrup oyunu) heç-heçə başa çatıb.
İspaniyada 2022 FIFA Dünya Çempionatının 1/8 finalında sabah keçiriləcək İspaniya-Mərakeş oyunu ilə əlaqədar Mərakeş vətəndaşları tərəfindən keçiriləcək sevinc göstərilərinə qarşı təhlükəsizlik xəbərdarlığı edilib. Bildirilib ki, ölkədə yaşayan 800 mindən çox mərakeşlinin çoxluq təşkil etdiyi Madrid, Barselona, Mursiya, Alikante və Almeriya şəhərlərində polisin fövqəladə hallar bölmələri fəaliyyət göstərəcək və baş verə biləcək hər bir hadisəyə dərhal müdaxilə edəcək.
Polis mənbələrinə əsaslanaraq İspaniya mətbuatında yer alan xəbərlərdə matçı izləmək üçün xüsusi toplanma yerlərinin olmayacağı, lakin şəhər mərkəzlərində və meydanlarda polis sayının artırılacağı bildirilib.
İspaniya İslami Dini Qurumlar Federasiyasının yaydığı yazılı açıqlamada deyilir:
“İslamda soydaşlarımıza kömək etmək fərzdir. Futbol və ya ümumiyyətlə, idman cəmiyyətə İslam əxlaqını, hörməti və tolerantlığı göstərməyə xidmət etməlidir. Cəmiyyətlər arasında parçalanmağa deyil, yaxınlaşmağa xidmət etməlidir. Nəticəsi nə olursa olsun, sevincdə və ya kədərdə ictimai iğtişaşlara və ya ictimai əmlaka ziyan vuran hərəkətlərdən çəkinməliyik”.
Qətərdə keçirilən dünya çempionatının son 16-cı turunda sabah keçiriləcək İspaniya - Mərakeş oyunu Bakı vaxtı ilə saat 19:00-da başlayacaq.
pia.az