İranda 5 əsgər yoldaşını öldürən hərbiçi saxlanılıb

Poliqon xəbər verir ki, bu barədə IRNA Agentliyi məlumat yayıb.

Agentlik cənub-şərq hərbi qərargahının komandiri Əmir Qolamalyanın sözlərini sitat gətirirək qatilin həbs olunduğunu yazıb.

“Bu adam Zerend şəhəri yaxınlığında saxlanılıb”, İran ordusunun rəsmisi Agentliyə bildirib.

Qeyd edək ki, hərbçi bazar günü, yanvarın 21-də beş əsgəri öldürərək qaçmışdı.

“Günorta saat 16:35-də qarovulda olan əsgərlərdən biri kazarmaya daxil olaraq həmkarlarına atəş açıb”, deyə Qolamaliyan hadisəni şərh edərkən bildirib.

Qolamaliyanın sözlərinə görə, atəş açan şəxsin motivləri hələlik məlum deyil.

Faktla bağlı araşdırma aparılır.

Poliqon.info