İran prezidenti dünya ölkələrini İsraillə münasibətləri normallaşdırmamağa çağırıb...
Dünya xalqları İsrailin cinayətlərinin miqyasına qarşı səbrlərini itirirlər.
Poliqon xəbər verir ki, bu fikri İran prezidenti İbrahim Rəisi bildirib. Məlumatı Beyrutdan yayımlanan “Al Mayadeen” telekanalı yayıb.
“Biz amerikalıların və sionistlərin törətməkdə davam etdiyi qadın və uşaq qətllərinə tamaşaçı qalmamalıyıq. Düşmən İsrail bəşəriyyətə qarşı cinayətlər törədir ki, bu da dünyanı iyrəndirir” deyə İran prezidenti dünya ölkələrini İsraillə münasibətləri normallaşdırmamağa çağırıb.
“Hərbi əməliyyatların genişlənməsi Qəzza zolağına qarşı davam edən təcavüzün təbii nəticəsi olacaq. Dünya xalqı İsrailin cinayətlərinin miqyasına qarşı səbrini itirir”, deyə Rəisi qeyd edib.
“Qərb ölkələri insan haqlarını müdafiə etdiklərini iddia edirlər, lakin bu gün onların söhbəti gülməli səslənir, çünki bütün dünya onların sionist varlığı dəstəklədiyini bilir”, deyə “Al Mayadeen” İran prezidentindən sitat gətirir.
Poliqon.info