İranda yeni bir qadağa, it gəzdirmək yasaq olunub
İt gəzdirən insanlar cərimə ediləcək. Hökumət bu qadağanın tətbiq edilməsini xristian ənənəsi ilə əsaslandırıb.
Məsələ ilə bağlı ilahiyyatçı Tural İrfan Cebhe.info-ya açıqlamasında deyib ki, İslam dinində iki heyvan: donuz və it murdar hesab edilir:
“Həmçinin hər ikisinin əti də haram sayılır. Peyğəmbərdən (s) nəql olunan hədisdə qeyd olunur ki, it olan evə və həyətə mələk girməz.
Lakin evdən kənarda mal-qara saxlanan ağıllarda, fermalarda qoruqçu kimi it saxlamağın eybi yoxdur. Tibbi-gigiyenik tərəfdən də itin tükündə, ifrazatında bir çox qorxunc xəstəliklərin olduğu sübut olunub.Təbii ki, evdə it saxlamaq müsəlman ənənəsində yoxdur, bu Qərb adətidir. Lakin buna baxmayaraq Qərbin özündə də artıq bir çox təşkilatlar tərəfindən bu ənənə tənqid edilməyə başlayıb. Şəriətdə evdə it saxlamaq qadağandır. Həyətdə isə o zaman icazəlidir ki, ona toxunulmasın, onunla təmasda olunmasın. Hətta namaz qılan insanın üstündə itin ağzının suyu, tükü olarsa, onun namazı batil hesab edilir”.
pia.az