Demokratlardan prezidentliyə namizəd Kamala Harris populyar olmayan dövlət başçısı Co Baydendən uzaqlaşmağa çalışır...
Poliqon xəbər verir ki, bu barədə The Wall Street Journal nəşri məlumat yayıb. Buna baxmayaraq nəşr qeyd edir ki, Harris siyasətinin indiki prezident administrasiyasından nəylə fərqlənəcəyini də izah edə bilmir.
“Harris tez-tez özünü populyar olmayan şefindən uzaqlaşdırmağa çalışır. Bununla belə, Harrisə prezident kimi Baydendən necə fərqlənəcəyinə dair konkret məlumatlar tələb olunanda ziddiyyətli açıqlamalarla çıxış edir”, deyə nəşr yazır.
Qeyd olunur ki, Harris Baydenin yerinə namizəd kimi hələ də üzvü olduğu prezidenti və administrasiyanı tənqid etməkdən çəkinir.
Qəzet Amerika televiziyası The View proqramında Harrisin son dörd il ərzində Baydendən fərqli bir şey edib etməyəcəyi sualına ilk olaraq belə cavab verdiyinə diqqət çəkib: “Ağıla heç nə gəlmir”. Maraqlıdır ki, Harris müsahibəsinin sonunda nazirlər kabinetinə respublikaçı təyin edəcəyini bildirib.
Poliqon.info