NATO-nun keçmiş baş katibi Yens Stoltenberq əmindir ki, 2014-cü ildən sonra Qərbin Ukraynaya yardım göstərməsi müharibənin qarşısını ala bilərdi...
Poliqon xəbər verir ki, Stoltenberq bu barədə fikirlərini “Politico” qəzeti ilə bölüşüb.
“Əgər 2022-ci ildən sonra tədarük etdiyimiz silahların heç olmasa bir hissəsini 2014-cü ildə təmin etsəydik, əslində hərbi münaqişənin qarşısını ala bilərdik”, deyə Stoltenberq bildirib.
Şimali Atlantika Alyansının keçmiş baş katibinin fikrincə, Qərb Ukrayna Silahlı Qüvvələri üçün daha çox şey edə bilər.
Həmçinin Stoltenberq Politico-ya verdiyi müsahibədə Ukrayna ilə bağlı ən çətin danışıqların 2022-ci ildə aparıldığını və bu danışıqların silah təchizatı və onların artırılması ilə bağlı olduğunu bildirib.
Nümunə olaraq Stoltenberq ABŞ istehsalı olan “Javelin” portativ tank əleyhinə sisteminin tədarükü ilə bağlı vəziyyətdən danışıb. Komplekslərin tədarükü ideyası uzun müddət təxribat hesab olunub və alyans daxilində çoxsaylı müzakirələrə səbəb olub.
Poliqon.info