Yens Stoltenberq NATO-nun yeni üzvləri qəbul etməkdən imtina etməsini istisna edib...
NATO Ukrayna, İsveç və Finlandiyanın alyansa qoşulmaq istəyindən imtina edə bilməzdi.
Poliqon xəbər verir ki, bunu NATO-nun keçmiş baş katibi Yens Stoltenberq “Politico”ya müsahibəsində deyib.
“Əlbəttə, NATO deyə bilməz ki, biz ittifaqa gedən yolu təkcə Ukrayna üçün deyil, Finlandiya və İsveç üçün də bağlamışıq. Rusiya bizdən istənilən genişlənməni dayandırmağımızı istəyirdi”, deyə keçmiş baş katib Rusiya prezidenti Vladimir Putinin 2021-ci ildə NATO-nun şərqə doğru genişlənməməsini tələb edən məktubunu şərh edərkən bildirib.
Stoltenberq qeyd edib ki, məktubda ifadə olunan tələblər onun üçün sürpriz deyildi, çünki Rusiya onları Putinin mesajından əvvəl irəli sürüb.
Keçmiş baş katib bildirib ki, o, həmçinin blokun şərq hissəsində qoşunların mövcudluğundan imtinaya zəmanət verə bilməz, çünki bu, “birinci və ikinci dərəcəli NATO üzvlüyü kimi bir şeyin tətbiqi” demək olacaq.
Müsahibədə Stoltenberq 2014-cü ildən sonra Ukraynaya hərbi yardımın göstərilməsinin silahlı münaqişənin qarşısını alacağı fikrini də bildirib.
Poliqon.info