Ermənistanın baş naziri Nikol Paşinyanın iştirakı ilə "Vətəndaş Sazişi" Partiyasının idarə heyətinin dünənki iclasının təfərrüatları məlum olub...
Poliqon xəbər verir ki, rəsmi açıqlamada kadr məsələlərinin müzakirə edildiyi bildirilib.
Əslində, əsas mövzu ədliyyə naziri postuna namizədin müəyyənləşməsi olub. Hraparak qəzeti öz mənbələrinə istinadən yazır ki, hakim qüvvə namizəd seçə bilməyib.
Deputat Arusyak Culakyan və Arpi Davoyanın namizədliyinə baxılıb. Lakin səsvermədən əvvəl Culakyan namizədliyini geri götürüb və Davoyanı kollegiyanın yalnız iki üzvü - müdafiə naziri Suren Papikyan və deputat Vaaqn Aleksanyan dəstəkləyib.
Xatırladaq ki, ədliyyə naziri vəzifəsi oktyabrın 1-də Qriqor Minasyan istefa ərizəsi verdikdən sonra boş qalıb. Bundan əvvəl hakim partiya fraksiyasının təşəbbüsü ilə Minasyanı vəzifədən uzaqlaşdırmaq məqsədi ilə imza toplanması baş tutub.
Poliqon.info