Gürcüstanın təhsil və elm naziri Giorgi Amilaxvari Tbilisi şəhərində yerləşən və tədrisi Azərbaycan dilində aparılan M.F.Axundzadə adına 73 nömrəli məktəbdə “Son zəng” tədbirində iştirak edib.
“Report” xəbər verir ki, bu barədə Azərbaycanın elm və təhsil naziri Emin Əmrullayev tviter hesabında yazıb.
“Bu gün gürcü həmkarım Giorgi Amilaxvari ilə birlikdə Tbilisi şəhərində yerləşən və tədrisi Azərbaycan dilində aparılan M.F.Axundzadə adına 73 nömrəli məktəbi ziyarət etdik və “Son zəng” tədbirində məzunların sevincini bölüşdük”, - nazir qeyd edib.
Qeyd edək ki, elm və təhsil naziri Emin Əmrullayevin rəhbərlik etdiyi nümayəndə heyəti Gürcüstanın təhsil və elm naziri Giorgi Amilaxvarinin dəvəti ilə bu ölkədə səfərdədir.
Poliqon.info