Futbolun əfsanəsi 82 yaşında həyatını itirdi

PİA.az Türkiyə mətbuatına istinadən xəbər verir ki, yoğun bağırsaq xərçənginə görə bir müddətdir kimyaterapiya alan və halının pisləşdiyi açıqlanan Braziliya futbolunun əfsanəsi Edson Arantes do Nasimento Pele 82 yaşında vəfat edib.

Pelenin Braziliyanın San-Paulo şəhərində qaldığı Albert Eynşteyn Xəstəxanasından verilən açıqlamada 82 yaşlı futbolçunun xərçəng xəstəliyinin irəlilədiyi, böyrək və ürək xəstəlikləri səbəbiylə daha çox müalicəyə ehtiyacı olduğu açıqlanmışdı.

Keçən il bağırsaq bölgəsində şübhəli bir şiş səbəbiylə əməliyyat olunan braziliyalı əfsanə xəstəxanadan çıxdıqdan sonra: “Evə qayıtdığım üçün çox xoşbəxtəm. Uzaqdan, yaxından həyatımı tamamlayan hamınıza təşəkkür edirəm”, demişdi.

Futbol tarixinin ən yaxşı oyunçuları arasında göstərilən Pele FİFA Dünya Kubokunu 3 dəfə (1958, 1962, 1970-ci illərdə) qazanan yeganə oyunçu olma xüsusiyyətinə malikdir.

pia.az