Türkiyə prezidenti Rəcəb Tayyib Ərdoğan bildirib ki, İsveç NATO-ya üzv olmaq üçün ilkin şərt olaraq terrorla mübarizəyə dair “yol xəritəsini” təqdim etməyə razılaşıb...
Poliqon xəbər verir ki, Türkiyə lideri bu barədə Vilnüsdə keçirdiyi mətbuat konfransında deyib.
Bundan əlavə, Türkiyə lideri İsveçin Türkiyənin Avropa Birliyinə daxil olmasına, gömrük razılaşmasının uzadılmasına və Aİ ilə vizasız rejimə keçidinə dəstək verəcəyinə diqqət çəkib.
“İsveçin üzərinə götürdüyü öhdəliklərə uyğun olaraq, biz nazirlər səviyyəsində ikitərəfli təhlükəsizlik mexanizmi çərçivəsində və terrorizmlə mübarizədə əməkdaşlığı gücləndirəcəyik. İsveç terrorçu qruplarla mübarizə üçün “yol xəritəsi” təqdim edəcək”, deyə Ərdoğan NATO-nun Vilnüsdə keçirilən sammitindən sonra mətbuat konfransında bildirib.
Ərdoğan əlavə edib ki, Türkiyə parlamenti İsveçin NATO-ya qəbulu ilə bağlı protokolu oktyabrda işini bərpa etdikdən sonra ratifikasiya edəcək. Hazırda Türkiyə parlamenti iki aylıq tətildədir. Ratifikasiyadan sonra protokol imzalanması üçün Rəcəb Tayyib Ərdoğana göndəriləcək.
Poliqon.info
Digərxəbərlər
Populyar xəbərlər
