Çin nüvə silahına malik olan bütün ölkələri ehtiyatla hərəkət etməyə və qlobal strateji tarazlığı və sabitliyi qorumağa çağırır, çünki nüvə müharibəsində qalib olmayacaq...
Poliqon xəbər verir ki, bunu Çin Xarici İşlər Nazirliyinin sözçüsü Mao Nin keçirdiyi brifinqdə Rusiya prezidenti Putinin nüvə silahından istifadənin mümkünlüyü ilə bağlı bəyanatlarını şərh edərkən deyib.
"Nüvə müharibəsində qalib olmayacaq. Çin bütün tərəfləri təmkinli olmağa çağırır", deyə Mao Ninq bildirib.
Mao Nin xatırladıb ki, 2022-ci ilin yanvarında nüvə silahına malik beş dövlətin liderləri nüvə müharibəsində qalibin olmayacağl və başlaya bilməyəcəyi barədə birgə bəyanat veriblər.
"Çin həmişə nüvə silahına malik bütün dövlətlərin ümumi təhlükəsizlik konsepsiyasına əməl etməli, qlobal strateji tarazlığı və sabitliyi qorumalı olduğunu müdafiə edib", deyə XİN sözçüsü bildirib.
Onun sözlərinə görə, bugünkü vəziyyətdə bütün tərəflər gərginliyi və strateji riskləri azaltmaq üçün birgə çalışmalıdır.
"Biz bütün tərəfləri tarazlığı və təmkinliyi qorumağa, dialoq və məsləhətləşmələr vasitəsilə balanslaşdırılmış, effektiv və davamlı Avropa təhlükəsizlik arxitekturası qurmağa çağırırıq", deyə Mao Ninq əlavə edib.
Qeyd edək ki, fevralın 29-da Federal Məclisə müraciət zamanı Kreml rəhbəri Vladimir Putin Qərbdən gələn mümkün müdaxiləçiləri nüvə silahından istifadə ilə hədələyib.
Poliqon.info